APOSTOLO 19:35-37

³⁵Má ngo ákte tingting gomot má i wakwak, ngorer kesi kálámul pakta a sámtur mák abálbálái matananu, má namur ák parai ngoromin, “Matananu Epeso, git no git talas ur on ngo kángit malar á Epeso a kámniánsit suri lotu uri narsán tilik tánráu ái Atemis kángit káláu, má ngo hat mul erei git lu lotu uri narsán, wa ái a tártárwán kángit tánráu er a sehel pas tilamuni armongoh.

³⁶Matananu no di talas ur on má kápte kes a arwat suri na pua palai tan táit min iau parai. Má ngorer gama kis pau má koion á bau mai sangar i longoi táit a sák.

³⁷Gamáte talkai aru kálámul min ur mainái, mái sár kápte diar sikip te táit tili rumán lotu ngo ot bilingnai kángit tánráu.