Apostolo 16:1-7

¹E Paulus i havai lakea o Derbe, muri i lakea o Listra, a tanga i made vona a murimuri tara, a rane Timoti. E kinane Timoti a ngatavine o Iuda i luhoi torea e Kristo, pali e tamana a bakovi o Gris.

²E huriki a kabukabu o Listra, o Ikonium ri kavurikea e Timoti.

³E Paulus i ngarua e Timoti ge laho turana, lakea i palea a kulina, a vuhuna e huriki a Iuda ri made vonga ri lohoka vona e tamana a bakovi o Gris.

⁴Na tahuna to laho lae na maka tanga, to vakalongo e huriki a tara ne Kristo vona a maka vinara i rata e huriki a apostolo, a bakovi dagi o Ierusalem ne ria ri gi muri mai.

⁵Na naro iea kunana, ni vakatora a niluhoi ne huriki a tara ne Kristo, e huriki ala kupo ri luhoi tora, ri dili na tara ne Kristo na parava lobo.

⁶E Paulus i laho turane rua, to laho lae na tabeke ne Prigia ne Galesia, a vuhuna a Hanu Kiripiripi i ta kari tou nahea to go vara na ngava na tabeke ne Asia.

⁷Na tahuna to bele na nagi ne Misia to toni ni dili na tabeke ne Bitinia, pali a Hanune Isu i taki tou nahea to go lokovonga.