Text copied!
CopyCompare
A Nitana Vure - Apostolo - Apostolo 12

Apostolo 12:9-14

Help us?
Click on verse(s) to share them!
9Lakea e Petrus i muri vona, ru pagitala na bavi. Pali i uka ma i lohoka vona ge muholi a maki i ratea a agelo. I pahaluhoi ta i vurena kunana.
10Ru vano, ru laho polo vona a tagari. Muri ru laho polo vona tabu a tagari tara. Muri ru bele na poridala ni rata na aen i pagitala lakea na tanga dagi. A logo na poridala i mata ka tavula muga, lakea ru pagitala. Na tahuna ru laho basi popote pali na dala, a agelo i marakavelu vona.
11Na tahuna e Petrus i matakilaka vona a maki i bele vona, i ta maea, “Ngane a lohoka vona e Bakovi Dagi i rudua a agelo vona i valai, i korimule iau na limane Herod, i korimule iau na maka naro e huriki a Iuda ri luhoi ta ri gi rata virihi iau vona.”
12Lakea na tahuna i matakilaka vona a hini i uka ma i vurena, i vano maia a ruma ne Maria, e kinane Ioanes, a rana tara e Markus, ta ge matai e huriki ri vapopo, ri vasileki vonga.
13Na tahuna i bele na ruma, i tutulidi. A vora ngatavine i valai, a rana e Roda, ta ge matai a viri i tutulidi.
14Na tahuna i longokilalea a lohone Petrus, i vivi hateka, i longokaburungi ni talea a logo. I nunu hamule, i vakalongo e huriki, i ta maea, “E Petrus i pesi polovavo!”

Read Apostolo 12Apostolo 12
Compare Apostolo 12:9-14Apostolo 12:9-14