Apostolo 11:2-14

²Ma ba Petero i vana urama Ierusalem, a umana pokakikil dia vartoto me,

³dia biti: U tar ruk tadav ra tarai pa dia pokakikil, ma ava ga ian varurung.

⁴Ma Petero i tur pa ia, ma i ve mal diat dari:

⁵Ba iau ga ki ta ra pia na pal Iope, iau araring, ma iau gire ra ninana, ma iau gire tika na magit tana da ra ngir na mal di kubu vake ra ivat na nguna, ma di valure vaba ia marama ra bakut tadav iau;

⁶ba iau bobobe, ma iau nununuk tana, ma iau gire ra umana leing tana ba dia tur ra pia, ta umana a ivat na kak i diat, ta ra umana dia kakakao, ma ra lavur beo dia vana liu bula,

⁷ma iau valongore bula ra nilai tikai i biti tagu dari: Petero, una tut, una dodoko ma una ian.

⁸Ma iau ga biti: Luluai, pata, pa iau ga en boko ta magit vakuku ba ra duruna.

⁹Ma ra nilaina mulai marama ra bala na bakut i biti: Nam ba God i ga dalu vagomgom ia, koko una vatang ia ba a magit vakuku.

¹⁰Ma di ga vautul a pait ia, ma di ga al pa ia mulai urama ra bala na bakut.

¹¹Ma ra utul a tutana, di ga tulue dital marama Kaisaria tadav iau, dital ga tur muka pire ra pal ave ki tana.

¹²Ma ra Tulungen i tul tar iau, ba koko ina anan, ba avet a varagur uka. Ma go ra laptikai na ekelesia ave ga varagur, ma ave ga ruk ta ra kuba i nam ra tutana;

¹³ma i ga ve avet, ba i ga gire ra angelo i tur ra kubana, ma i biti: Una vartuluai ura Iope, da agur pa Simon, nina ba ra iangina bula Petero:

¹⁴na tatike ta tinata tam, ba avat ma ra umana niurum, avat a laun tana.