19Petero vomata-vanagi ganina roe waetugamagi-vetavuawai aonai, Veaga Palaguna na evaikilaato, netiwato, 鈥淥no kamonagi, goi talima toitoi na getavumuna.
20Gaurai ono kuliiti, ono verigo, ira ria pio laka. Ragai pono veituveitu, kwalana au na patugura gaurai.鈥
21Petero eraka-rigoto votalima geriai, ne evaikilarato, 鈥淕otavuana talimana au ea. Rakagau gaurai pogo vogomai?鈥
22Ira gevega-geleto, negetiwato, 鈥淎i vetali talimara tinavuna (100) ekune-agirana talimana arana Korenelio na petugumai. Ia kala rorirori e Palagu kalina na ekalina talimana, e Iuda talimara maparara na maki gekuparage-kamuvagiana. Ia Palagu gena aneru taa na evaikilaato, goi pene keagi-kaumu, gena numai pono ago, e goi na rakagau pono kilagira gaura pene kamonagira.鈥
23Ne Petero na votalima egapi-ragerato gena numai, vonai gemaituto. Amoamo gekuliitito, Petero ira ria geagoto, e walakavaria reketa Iopa na maki ira gekwarurato.
Apostolo 10
Apostolo 10:19-23