Apostolo 10:19-22

¹⁹Petelo sola ma nuwanuwatuna, na Yaluwa Tabuna ye hededelau unai ye wane, “Simona, tatao haiyona se wasewaseneigo.

²⁰Ku pesa ku dobi na tabu ku laulaukwatakwata, na maiyamwao kwa lau, matawuwuna ede yau ya hetamalidima.”

²¹Petelo ye pesa ye dobi na ye hededelau udiyedi ye wane, “Tamowai kwa wasewasenei wa, iya ede yau. Na saha hesabana kwa laoma?”

²²Se wane, “Sentuliyo Koniliyasi ye hetamaligai ka laoma hesabam. Iya meta tamowai namwanamwana Yaubada tauhekasisiyena, yo Dius tamowaidi maudoidi se kitahenamwakaliliyei. Yaubada yona anelu hesau ye hededelau Koniliyasi unai bena taba ye yoganego na ku lau yona numa unai, na bena saha ku hedededi na ye lapuidi.”