2Worderu Paululu milingeru, jeruja nau bakana tanangu wirina wonti, ja tanangunto Sabbat ditji parkulani ngankamalina wonti.
3Jaurandru nulu tanangu mildiri ngankana wonti, ja kurana wonti, Cliristus ketjaketjananto ja narindru jiritjinanto, ja Naupini Cliristus Jesus nganai, ninaia ngato jurangu kaukaubai.
4Ja palpali tanangundru morlalu ngundrana wonti, ja paulungu ja Silangu ngokana wonti, ja Griekala Godandru japali marapu, ja kana widla pirna wata ngalje.
5Juda kana, tana wata morlalu ngundrana wonti, milkirina wonti, ja tana jurborini pirindru materi madlentji palpa patana wonti, ja mapaterina wonti, ja ngura patijiritjibana wonti; ja tana Jason pungani tidnantani terkakana wonti, ja wontjana wonti, tanana kana wolarani wapalkala.