Apostel 17:13-24

¹³Thessalonicha Juda kanali matja ngarana, bakana Beröani Paululu Godaia jaura kaukaubai, tana wokarana wonti, bakana naka kana wolara patijiritjibala.

¹⁴Nurujeli ngatatajeli Paulus jinpana wonti, nau panto pirnaia dirkalajelu palkananto; Silas ja Timotheus naka ngamantina wonti.

¹⁵Tana Paulungu jela wapana, tanali nina Athenilu wapalkana wonti, ja tanali jirijiribani jaura matja manina, Silas ja Timotlieus nurujeli nunkangu wokarananto, tana tarpina tikana wonti.

¹⁶Paulus Atheningu kalkaterinani pudlangu, nau jaola jerkina wonti, ngangau nulu najina wonti, ngurani Goda mudlamalka marapu paranani.

¹⁷Nulu jaura pungani Juda kanani, ja tanangu Godandru japali, ngankamalina wonti, ja jurborini pirini ditji pratjanani tanangu, tana jerra wokarana wonti.

¹⁸Palpali epicuräa ja stoika kana kirieli nunkangunto jatamalina wonti; ja palpa jatana wonti: “Mina naupini jatajatanietja jertapateriai jatala?” Palpa nguru: “Ngaiani ngundrai, nulia kaukaubanietja Goda pilkindru nganai;” Ngangau nulu tanangu ngantjani jaura Jesungundru, ja tepi terkakanani, kaukaubana wonti.

¹⁹Ja tanali nina patana wonti, ja nina Areopagani wapalkana wonti ja jatana wonti: “Ngaiani ngujamananto, mina ngujangujara naupini nganai, ninaia jundru kaukaubai?

²⁰Ngangau jundru ngaianingu talpani palpa tula wirilkai, ngaiani ngantjai milkila nganala, mina jenia nganai.”

²¹Athenalali, ja tana tidnapalarali, naka ngamanani, wata pilki ngundrana wonti, a-ai, windri milingeru palpa marra jatala ja ngarala.

²²Paulus Areopagani terti terkana wonti ja jatana wonti: “Athenala worajai! Ngato najiai, jura pratjanani Goda worangundru japali nganai.

²³Ngangau ngani palkingana warai, ja jurani poto kulikiri najina warai, ja ngato Altara kulno mankamankana warai, nunkangu dakani parai: “Nunkangupini Godani, nunkangu ngaiani ko.” Ninapini, ninaia jura bulu ngujamanali wodatarana ngamai, ngato jurangu kaukaubai.

²⁴Nulupini Godali, Nulia mita maru, ja pratjana mina nunkangu mandrani, pantjimana wonti, Naupini pariwilpaia ja mitaia Kapara nganai, wata pungani ngamai, tana marali wotinala;