Apostel 14:7-14

⁷Ja pudla naka ngamana wonti, ja ngantjani jaura kaukaubana wonti.

⁸Ja Lystrangu kana kulno nganana wonti, nau ngamana wonti, ja ngandri mandrandru tjunduru nganana wonti, nau wata pota kulno wirarina wonti.

⁹Nulupini Paulus kaukaubanani ngarana wonti; nulu nina ngurutalpana najina wonti, ja nulu matja ngujamana, nulu morlalu ngundrai tepi pantjila,

¹⁰Nau ngaiala pirnali jatana wonti: “Talku terkakamai jinkani tidnali!” Ja nau kulkungana tarana wonti ja wirarina wonti.

¹¹Kana wolarali matja najina, mina Paululu ngankana warai, tana ngaiala pirnali Lykaonia talieli jatana wonti: “Goda wora kanani jeribaka pantjina warai, ja ngaianingu ngarina warai.”

¹²Ja tanali Barnabas Zeus dikana wonti, ja Paulus Hermes, ngangau nulu jauraia kapara nganana wonti.

¹³Zeusuni priestali, nau tanani nguraia tidnanta nganana wonti, nganti ja tiwipirapira manani padakana wonti, ja ngantjana wonti kana wolarani jela poto ngumu jinkila.

¹⁴Pudlali Apostel, Barnabas ja Paulus, jenia ngarana, pudlali pudlani kati purana wonti, ja kana wolaraia mindrina wonti, ja maritjina wonti