Aposotolo Adi Hewau 7:45-57

⁴⁵Isi muri eai hinage, ita tamadayao maedi Iosua abo se abi, se laei Etene eanuadi eai, isi Eaubada i aiduiedi tamadayao matadi eai, i lau e Davida huiana eai;

⁴⁶Eaubada Davida i henua aririei; ia i awanorini bena Iakobo ena Eaubada ena numa‐abamia i abi.

⁴⁷Na Solomona mo ia enana i abi numa.

⁴⁸Taiede, numa nimadi eai se ginauridi Saesae‐Aririna nige aridi eai i miahai; doha hinage peroveta ie ribaei,

⁴⁹‘Galewa egu terona ede, eo tanoubu aegu ana bou ede. Guiau i ene, egu numa sahasahaina abo au abi? e egu abaaiyawasi saha?

⁵⁰Teina ginauri gamagaridi eau nimagu eai ea ginauridi, e nige’e wa?’

⁵¹“Omi tatao nuamiu se oiura, nuamiu eo beamiu nige se peritomedi, omi huia gamagamagari Earua Tabuna au laugudugudui. Tamamiuyao edi laulau mo au laulauedi.

⁵²Aitea peroveta tamamiuyao nige se hebaaea? Laulaududurai Tauna ena laoma wasana tauduaina isi se unuhematedi, ia ede omi abotai au ribagabaei eo au unui,

⁵³omi laugagaeo tauabina ia ede aneru se leawa, na nige au sogohididini.”

⁵⁴Teina riba ta se ataiedi, atedi se taigari, isi gadigadidi se taburuyahisidi.

⁵⁵Na, ia Earua Tabuna i monau, galewa i itadidinisaei Eaubada namanamarina ie ita, eo Iesu hinage ie ita i totoro Eaubada nima‐tutuna eai.

⁵⁶I ene, “Galewa ea ita i taigari, Tau Natuna i totoro Eaubada nima‐tutuna eai.”

⁵⁷Isi se eabalailai, beadi se moinidi, isi abo se taugogo nuadi esega mo,