Text copied!
CopyCompare
RIBA HARIHARIUNA - Aposotolo Adi Hewau - Aposotolo Adi Hewau 4

Aposotolo Adi Hewau 4:25-33

Help us?
Click on verse(s) to share them!
25em heaheari tauna Davida awana eai u ribaei Earua Tabuna debana eai, u ene, ‘Etene se saha se ouyalayalaei, tatao se saha se nuanuatu gaibu mo?
26Tanoubu wasawasadi se totoro‐lele, Tanutanuagadi se oigogoesega, Guiau bena se laugudugudui, eo ena Keriso hinage:’
27mamohoi, em heaheari tauna tabuna Iesu, ia u heyausiyao, ina eanua eai ta bena se laugudugudui; Heroda eo Ponotio Pilato, maedi Murimuri‐tataodi hinage, eo Isaraela tataodi gamagaridi, se oigogoesegaidi,
28laulau gamagaridi bena se ginauridi, em nuatu eai eo em sonoga eai nabada wa se ribaedi abo se tubu.
29Guiau e, edi riba matamatausidi u nuatuidi: em heaheari tataodi u headidiridi, isi abo em riba se ribaei ma nuapaipaidi.
30Nimam u helelelaei u abihemauridi: em heaheari tauna tabuna Iesu esana eai heiheinoidi eo noo ginauridi abo se ginauridi.”
31Isi se lau‐uura lautom, abo edi aba oigogo wa i tabutabubu, isi gamagaridi Earua Tabuna se monau, Eaubada ribana abo se ribaei ma nuapaipaidi.
32Tauataiena gamagamagari nuadi esega mo, eo edi nuatu esega: nige esau i ene egu gogo ta ea heseriedi; se heona gonogonoadi mo.
33Aposotolo Guiau Iesu ena torouio ribana se riba hemasaraha ma gigiborina: ainauia lailai i ota isi gamagaridi potadi eai.

Read Aposotolo Adi Hewau 4Aposotolo Adi Hewau 4
Compare Aposotolo Adi Hewau 4:25-33Aposotolo Adi Hewau 4:25-33