Aposotolo Adi Hewau 3:7-22

⁷I abilau ia nimatutuna eai, abo i abihetoro; ma‐esega abo ia aelaulauna eo aematamatapouna se adidiri.

⁸I lamposi i toro ie lau, maedi se awasae numa uura alona eai, i laulau, eo i lamposi, eo Eaubada i aihelahui.

⁹Tatao gamagaridi se ita i laulau, eo hinage Eaubada i aiaihelahui,

¹⁰se nuatuiyao ia tau awaawanori wa, numa uura dobilana Lolona eai huia gamagari i babawa, wau laulau ia arinai ie tubu, arinai aruadi se loi, eo se noo ariri.

¹¹Taulaulaudaena se hemauri wa, Petero eo Ioane i abididinidi, tatao gamagaridi se aitautaugogo se lau aridi eai, Solomona ena dobila sorasorana eai, se noo ariariri.

¹²Petero i itadi i ribalau tatao aridi eai, i ene, “Omi Isaraela tataomiu e, teina ta sahana au nooei? Au matabarabaraimai ta bena aibom ema gigibori eai, eo ema lolo eai, tau ta ai helaulau ta?

¹³Aberahama ena Eaubada, eo Isaako, eo Iakobo, tamadayao edi Eaubada, ia Natuna Iesu i hedebasaei; ia au moselaei, eo Pilato matana eai au harerei, ena nuatu ia bena i iairigabaei wa.

¹⁴Na Hetabu Tauna eo Taulaulaududuraina au harerei, na tauaiaiununa au henua bena se leawa.

¹⁵Mauri Paana au unui, mate eai Eaubada ia i hetorouioi; ai tauitana ede.

¹⁶Ia esana, ema sunuma ia esana eai, tau ta arinai i adidiri, ia au itayao, eo au nuatuiyao: Iesu sunumaena arinai i adidiri ta omi gamagarimiu matamiu eai.

¹⁷“Na ehaguyao e, ea nuatuiyao au supusupu, arinai ede ia au unui, ami tanuaga hinage ia se unui.

¹⁸Mumuga eai Eaubada i ribaeyao ena peroveta gamagaridi awadi eai, i ene Keriso amamna abo i hearo, se hemamohoiyao.

¹⁹Arinai ede nuamiu au buidi, abo au hemala tatao udoi, emi baaea abo se sauhaidi, abihemauriuio huiana abo Guiau matana eai i lagema;

²⁰ia Iesu Keriso abo i hetamariama, ia ede se guguiabagunaimiuo.

²¹Galewa i abididini, i lau e ginauri gamagamagaridi se heduduraiuioidi, doha Eaubada peroveta tabudi gamagaridi awadi eai i ribaei, tanoubu ena huia hetubuna i laoma e, huia ta.

²²Riba mamohoina Mose i ribaei tamadayao aridi eai, i ene, ‘Peroveta esau arimiu eai Guiau emi Eaubada abo i hetoro, emi tau esau doha ede eau: riba gamagaridi ia i heribamiu abo au ataiedi.