Aposotolo Adi Hewau 20:20-31

²⁰aba helolomiu nige ginaurina esau ea mahihiei, na nuamiu ea hemasarahadi, eo ea heatamasamasarahaimiu, eo hari numa, hari numa eai,

²¹Iudea tataodi eo Heleni tataodi hinage ea guguiaidi, bena nuadi abo se buidi Eaubada arinai, eo Guiau Iesu Keriso abo se sunusunumaei.

²²Wau ta abo ea lau Ierusalema eai, earua nuagu i auaui, saha eo saha nei eai abo ea hearodi nige ea nuatuidi;

²³teina mo, eanua gamagamagari eai Earua Tabuna i heribagu, edi aba auaugu, eo agu amamna se abinonohaiyao.

²⁴Teina ginauridi ta taba nige esau i hemoimoiugu, maurigu hinage taba nige ea nuatui, agu paisoa mo ta taba ea abiheohi ma nualologu, hewau ta Guiau Iesu i leama, Eaubada ena ainauia, wasa lolona, bena ea wasaduaiei.

²⁵Na ea nuatuiyao, omi gamagarimiu arimiu eai Eaubada ena basileia ribana ea guguiaimiu, matagu taba nige au itauioi.

²⁶Paana ede meta wau asubena ta arinai ea heribamiu me, tatao gamagamagari osinadi giruna eau arigu eai nige’e,

²⁷paana ede Eaubada ena riba gamagamagari se ohi ea heribamiuo, nige ea ma’e’e.

²⁸Omi, omibom nanabumiu au nanabu, eo mamoe gamagamagari eawoidi hinage, Earua Tabuna i hetoromiu, isi tauwoeaidi ede omi, Eaubada ena ekalesia iabom osinana eai i unedio, au heaheaidi.

²⁹Eau ea itayao, ea laugabaemiu, na kedewa‐luko abo se luimiu, eawoidi abo se hetatagorigoridi.

³⁰Headi hinage omi arimiu eai abo se toro, se ribahilihilimiu, bena tauataataiena se niuridi aridi‐ena.

³¹Arinai au soasoari, na au nuanuatui, borimai‐haiona arinai ea ribahesanapumiu, maiona to asubena nige ea ribalautom, ma matasulugu hinage.