Aposotolo Adi Hewau 11:23-30

²³Ia abo ie lage, Eaubada ena ainauia ie ita, ie kode, gamagaridi i henuapaipaidi bena nuadi se tore‐esegai eo Guiau se sogohididini.

²⁴Ia tau lolona ede, eo Earua Tabuna i monau eo sunuma hinage. Na tatao moutuana se patugogoma Guiau arinai.

²⁵Banaba abo i laugabaedi i lau Tareso, Saulo i eooi.

²⁶Ia abo i lobai i woeai i laei Anetioka eai. Borimai esega ekalesia maedi se oigogo tatao gamagaridi se heatadi. Tauataiena Anetioka eai esadi Keristiani se tore bagunai ede.

²⁷Nei asubenana eai ne peroveta headi Ierusalema eai se laoma Anetioka eai.

²⁸Esau esana Agabu i toro Earua arinai i heriba nonohaidi, i ene tanoubu i ohihai guriam lailai abo se hearo; iaede Kalaodia ena huia eai ie tubu.

²⁹Tauataiena se heona esega esega, si ene, “Eda ainauia ta hetamaridi se laedi eda tataoyao Iudea eai wa enadi,”

³⁰Edi nuatu nei doha, abo Banaba eo Saulo se hetamaridi, isi nimadi eai ainauia wa se laei babada aridi eai se mosedi.