Aposotolo Adi Hewau 11:16-28

¹⁶Arinai abo Guiau ena riba wa ea henuaisini, i ene, ‘Mamohoi, Ioane goila eai i hebapatiso, omi mo Earua Tabuna arinai abo se hebapatisoimiu hinage.’

¹⁷Ena Eaubada i ainauiaidi doha hinage i ainauiaida huia ne ita Guiau Iesu Keriso ta awaabiei, eau eai bena Eaubada abo ea gudugudui?”

¹⁸Teina riba ta se ataiedi isi nige ariarinadi. Abo Eaubada se hedebasaei si ene, “Hedeomi Eaubada Murimuri‐tataodi hinage i nuatuidi, isi nuadi se bui abo se mauri.”

¹⁹Na isi Setepano edi huia heamamnana wa arinai se dagogorigori wa, headi se lau Poinike, eo Kuperu, eo Anetioka, nige se lauguguia tatao gaibu aridi eai, Iudea mo isibom aridi eai.

²⁰Isi headi Kuperu eo Kurene tataodi se lage Anetioka eai, Guiau Iesu wasana Heleni tataodi aridi eai se lauguguiaidi.

²¹Guiau nimana isi potadi eai: arinai tatao gamagamagari se ataiei, eo se sinibuilau Guiau arinai.

²²Teina ginauri ta wasadi ekalesia Ierusalema eai se ataiei: isi abo Banaba se hetamari i lau Anetioka.

²³Ia abo ie lage, Eaubada ena ainauia ie ita, ie kode, gamagaridi i henuapaipaidi bena nuadi se tore‐esegai eo Guiau se sogohididini.

²⁴Ia tau lolona ede, eo Earua Tabuna i monau eo sunuma hinage. Na tatao moutuana se patugogoma Guiau arinai.

²⁵Banaba abo i laugabaedi i lau Tareso, Saulo i eooi.

²⁶Ia abo i lobai i woeai i laei Anetioka eai. Borimai esega ekalesia maedi se oigogo tatao gamagaridi se heatadi. Tauataiena Anetioka eai esadi Keristiani se tore bagunai ede.

²⁷Nei asubenana eai ne peroveta headi Ierusalema eai se laoma Anetioka eai.

²⁸Esau esana Agabu i toro Earua arinai i heriba nonohaidi, i ene tanoubu i ohihai guriam lailai abo se hearo; iaede Kalaodia ena huia eai ie tubu.