Aposoro 10:6-13

⁶Ye yamberec seberameme ngic mong kpara Simong, yeac amau kecde. Amea imoc kondung tegiau tacde.”

⁷Angerongo yoac imoc edema kenu Konerio ye enac tofoc tofohongic yohockang nga wasaingickereng mong, ngic imoc heitaiyunuma yoac deu negenec.

⁸Imoc ayemmedacma Yope taonnu sueyunuu kenggec.

⁹Ngic yeni kengkecma sinnu fegec ama wereckenu monggoc kengkecma ama mewegenebeso ammagec, Petorongo wenac dzongiau numuudeac ama witiau waranda isoc feec, ihai enec.

¹⁰Emma yakaac homema deu yaka ohomagec Kebungo kiwa merecgeu faka yofi henec:

¹¹Kurumeng anggeu wiac mong henec. Imoc kporuc isoc tegia noboc noboc mema bangecfu faigec mama, ifi isoc anec.

¹²Imocac manau yamberec amma nengboudzoc hania hania feec.

¹³Mamanu yoac mong yofi fingerec, “Petoro ge yacma kpenec anna.”