Aposolo Jaŋere Binaŋ 1:1-5

¹O Teofilo, no mârâc dâŋ qâreŋke‐garepo, ine Jesuzi gie bawec â miti muwec irec dâŋ binaŋ sasawa egarepo.

²E gie‐ticne fuŋkerâ baraku dameŋ‐ticne maickeme Tiri Mârozi ecneme aposolo rowosâec‐jopawec jaŋe micrâfâ‐ticne jaza tararâ sambâŋko fewec, irec binaŋ hâcne qâreŋke‐fârepo.

³E ʒâic manaku hâmorâ mocwâc ɋârerâ jaŋe hâcne ʒoaŋ gie bapa 40 fua soŋ ejarehuc fuŋne‐ticne bajaŋgeŋkeme hone manac embiŋ, â Anuture uucmaŋ irec dâŋ jaza mutâc ewec.

⁴Erâ jaŋehec ŋec domac ehuc dâŋ ʒiŋuc jazawec: “Ŋoŋe Jerusalem hae jâpec mi behenʒepieŋ, Mamacte biŋedâŋ ŋazape manambiŋ, i fârinehec eocte ira woŋec junʒepieŋ.

⁵Johane e opâ rua‐ŋarewec, ʒi ine dameŋ mi ʒorahame Tiri Mâro rua‐ŋarezo.”