16Eme Paulozi faharerâ niniŋkeniŋte mezi bâuruŋ‐joparâ ʒiŋuc jazawec: “Israe ŋicbureŋ ŋoŋe, â gâcne Anutu araŋ bacneeŋgopieŋ, mâmâc ŋazape mananiŋ:
17Israe ŋic nâŋâcne Anutu eki mimi apafâc‐nâŋec rowosâec‐joparâ Aigita mâreŋko juhapie basawec‐jopawec. Erâ tâpiri sanaŋ‐ticnezi irecnec jowac‐jopa warerâ
18mâreŋ burocnao gume qataŋ ejarehuc juhame jara 40 ewec.
19Erâ Kanaaŋ mâreŋko ŋicguru 7 bâsirowec‐joparâ mume apafâc‐nâŋec jaŋe mâreŋ i bâtâc barâ ru sâc erâ jumbiŋ. Ehame jara 450 tarawec.
20Eme Kanaaŋ mâreŋko juhapie mumutiŋ ŋic bâfua‐jareme jurakupie porofete Samue fuawec.
21Eme ŋicwofuŋte mupie Anutuzi Benjamiŋte qâricfâc jaŋeraonec Kisi ŋokâ‐ticne Saulo âkendâŋne‐jareme jara 40 micne bajarehuc juwec.