42Erâ Anutuzi e ŋic ɋâricne â hâmokicne mumutara‐nâŋec âkendâŋnewec, irec biŋedâŋ ŋic guru sâc mutaniŋkerâ jazanaŋte munârewec.
43Eme e manasiŋkeniŋmu jaŋe ʒâŋe biŋe‐ticnere erâ sâqocne tâmire‐jareocmu, i porofete jaŋe mufua‐fârembiŋ.”
44Petoro e dâŋ iŋuc muhuc domahame, manahuc ŋembiŋ jaŋerao Tiri Mâro wahawec.
45Eme Judaŋiczi opâ ruac, Petorohec rambiŋ, jaŋe Anutuzi ŋic qâpuc Tiri Mâro tahacke‐jareme bipic tatara ejarewec.
46Ŋic qâpuc jaŋe dâŋmarac furune dâŋehuc Anutu musokapie manambiŋ hâcne. Eme Petorozi ʒiŋuc muwec:
47“Nâŋâc Tiri Mârohec embeŋ, ŋic kecʒi jaŋe iŋuc jaha fua‐jareme Miti Opâ wemocko sakare‐jarezo.”
48Iŋuc murâ mume ŋicfâcne jaŋe Jesu Kristo ere ʒâŋeo ʒuhuc‐jopahuc opâ rua‐jarembiŋ. Eme jaŋe Miti Opâ ruarâ Petoro sakarepie ʒoaŋ gie bapa gâcne jaŋehec ŋeŋe juju ewec.
Aposolo Jaŋere Binaŋ 10
Aposolo Jaŋere Binaŋ 10:42-48