Aposolo 17:27-33

²⁷Koda꞉ pa꞉ta꞉ hone witolo hata꞉ ipiki weimika꞉na꞉ta꞉ handa꞉ wina꞉yeke piekeme leekeme. Kutu piekepate niki paeyaota꞉ ipiki tekepa꞉ta꞉ haloma꞉me leekeme.

²⁸Ika꞉ mandane emeli lemeke haliwekima꞉ lemeke tupa꞉ Ipiki pa꞉ta꞉ la꞉ma꞉ pea pomu hata꞉ hao haloma꞉me. Ipika꞉ weki wandiki ota꞉ hata꞉ pitoloma꞉me lemekeme leekeme.

²⁹Kutupa nikita꞉ ipika꞉ weki wandiki hata꞉ Koda꞉ta꞉ haliwekima꞉ hone niminao kolo silipa toopima꞉ wepita꞉la꞉ alema꞉ handa꞉la꞉me hone na umana꞉ pea꞉pa꞉pekealeo.

³⁰Hone wopu na wimiki pita꞉ta꞉ Koda꞉ma꞉ pa pina꞉ leekepate ameta꞉ kenke wanda꞉hali paeyao pa꞉ta꞉ta꞉ Ika꞉ hoke hau mina꞉pa꞉lao hone ma꞉nda꞉ la꞉ka꞉la wina꞉ lapa꞉peke ala꞉me.

³¹Pa ekipeke ipikana꞉ma꞉ nate amba꞉ wiaeyeke handa ala꞉me. Koto natena꞉ ipika꞉ haena꞉ la꞉la꞉ hali homekema꞉ kenke wanda꞉hali paeyao pa꞉ta꞉ pi yokaalu tikitikina꞉ pina꞉ lelieke leekeme. Kutu pulu pa꞉la꞉ ekita꞉ wanda꞉hali paeyaoma꞉ opua Ota꞉ekie hone wina꞉yeke mo hande halita꞉ homa peneme yao paa mea tiaeyekeme laa leekeme.

³²Kutupa mo hande homa pa mea tiaeyekeeki opuaata꞉ mandane haliwekima꞉ ki taemekepate mandane haliwekima꞉ alota꞉ Do alo ekina꞉ta꞉ hoto ma꞉nda꞉ naka꞉ pi opulumekee laa lemekeme.

³³Koto ekina꞉ Polo opulu bao peekepate