18Jölöŋnini jigetka ahöba wahöta Polnöŋ nembuk bisop Jeims ekingö möta anin. Aninga urumeleŋ könagesögö jitŋememe yeŋön körek pakpak miaŋgöreŋ kaŋgota tatket.
19Tatketka Polnöŋ jölöŋini jiba kösohotŋi alök. Anutunöŋ köiput aka nam köl neŋgiiga kian kantri yeŋgö sutŋine anda liliköba misin nup meinga ölŋi ahuyöhi, miaŋgö kösohotŋi mesiŋda mohot mohot mi körekŋanök jii mötket.
20Mi jii möta Anutu möpöseigetka azi ipŋi kunŋan kewö jiyök, “Pol alanini, Juda ambazip tausenŋi tausenŋi yeŋön Jisös möt nariba uruŋini meleŋda töndup körek pakpak toroqeba Mosesgö Köna keu mi törörök wuataŋgöbingö kapaŋ kölje.