16Yaŋön geiga ekiga miaŋgöreŋök Kembugö keu kun nöŋgö mötmötnöŋ kaŋgori mötmörial. Keu mi kewö, ‘Jonöŋ o töhönöŋ melun mem eŋgiyökmö, nöŋön Uŋa Töröŋi uruŋine ala miaŋön melun mem eŋgimam.’
17Neŋön Kembu Jisös Kraist möt narim waŋgiinga Anutunöŋ kalemŋi neŋgiyöhi aka yeŋön möt narigetka Anutunöŋ kalemŋi miyök eŋgö uruŋine mewöyök alök. Miaŋgöra aka ni ewöŋan mönö denöwö Anutu kukösum Toŋi esapköba qetal waŋgibileŋak? Yaŋön mewö ak eŋgiiga nöŋön aŋgön köl waŋgimamgö osial.”