Aposol nup meme 10:8-13

⁸Kagetka garatagöreŋ keu mi körek jii mötketka melaim eŋgii Jopa taonöŋ anget. Mewö.

⁹Azi yeŋön könanöŋ angetka miri giaŋii taon dopdowigetka silim bibiŋe miaŋgöreŋ Pitönöŋ miri uruŋi kun eu miaŋgöreŋ öŋgöba kinda köuluköyök.

¹⁰Kinda köuluköba nenegö kömumba yuai nemamgö möta jii ohoget. Ohogetka nalö miaŋgöreŋ Kembugö alburupŋan qeiga tata imut kun kewö ehök:

¹¹Suepnöŋ aŋaŋiiga könde ketaŋi kun erök. Könde mi opo tuatŋi ketaŋaŋgö tandök ewö ahök. Garata yeŋön yuai miaŋgö waŋgömŋi 4 miaŋgöreŋ memba naŋgöbeak, miaŋgö tandök ewö gölmenöŋ erök.

¹²Yuai miaŋgö uruŋe sömbup könaŋi könaŋi tatket. Sömbup tosatŋan köna 4:ŋan tiba anakze. Tosatŋan wösönöŋ ölölöŋgöba anakze. Mewöyök neiŋi neiŋi könakemba bölbölgöba anakzei, yuai mewöŋi mewöŋi mi könde miaŋgö uruŋe mohotŋe etket.

¹³Etketka miaŋgöreŋ qet kun asuhuba keu kewö jii mörök, “Pitö, gi mönö wahöta yuai ki qeba ohoba nenöŋ.”