Aposol 8:7-12

⁷Kanuma beroberosi ere kiikiirarisi wawaya ikiikiibutawesi. Ma digadigasi ma gibegibesisi peyarisi iyawayawasa.

⁸Tuna kubiine kwanatuna kamonai nuwabiibii irakata kirakai.

⁹Tomowa sago kana vava Saimon nani kwanatuna kamonai imakamakai, tuna kiikiirapuna. Ma namadani kava wawaya peyarisi Sameriya kamonai ina rewapana ivivi deyei. Saimon ikayokayotata da tuna wawaya ghamana.

¹⁰Ma babada ma wawayota kudubisi ivovokaravei ma ivi vavei ‘Rewapana Kirakiina’ bo ‘God Ina Rewapana.’

¹¹Namadani kava ina bera vigayagaya kubiine wawaya ivivi deyei ma ivivi tumaghanei.

¹²Ma maranai Piripo inekiibau na God ina vikiivavona ma Yesu Keriso varana biibiina idimei kurisi. Tuna kubiine tomotomowa ma wivine peyarisi ivi tumaghana ma ibabataito.