Aposol 7:35-52

³⁵E'ima ana Mosesima zamesra hunente'za, anagema hu'za, Iza kagrira kva mani'nenka vahera refko huo huno huntenemofo, e'i ana nera Anumzamo'a hunteno, kva ne' mani'nenka, zamazahu ne' manio huno Anumzamofo ankeromofo azampi osi zafafinti efore huno hunte'ne,

³⁶Ana ne'mo zamavreno nevuno Isipi mopare ene koranke hagerinte'ene ka'ma hagege mopafina kaguvazane avame'zana 40ti'a zgegfufina huzmeri hu'ne.

³⁷Ama ana Mosese, Israeli vahe'zgagura huno, Anumzamo'a kasnampa vahe'tmia tmagri'pintira nagrima hiaza huno azeri otigahie.

³⁸E'i ana ne'mo, vahe kevumokizmi amu'nompima ka'ma mopafi mani'negeno ankeromo Sainae agonafima tagri tagehemokizmi, Anumzamo kea huntegeno asimu erino mani naneke erino'ma eme tmi'nea nere.

³⁹Tagri tagehe'za ke'a antahizanku zamefi hunemi'za, retufeganti netre'za, zamagu'afina Isipigura tusi zamagesa antahi'naze.

⁴⁰Eronina amanage hu'za asmi'naze, Kagotama hurantesia anumza'tmina tro huranto, na'ankure ama ana Mosese'ma Isipi mopareti tvarenoma e'nea nera na'a fore humi'nefi tagra antahita keta osu'none hu'naze.

⁴¹Hige'za ana knafina kolire havi anumzana bulimaka anenta kna huza tro hu'za, kre sramna avuga vunente'za anama zamazanuma troma hazazankura muse hunte'naze. (Ekso-Uti 32:1-10)

⁴²Hu'neanagi Anumzamo'a amagena huzmantege'za, zamagra havi anumzantema zagere'ma, ofunte'ma ikante monora hunte'naze, ko'ma kasnampa vahe'moma krente'neana tamagra Israeli vahe'mota ka'ma kokampima kre sramna vu'nazana foti'a zage kafufima Israeli vahemota Nagrite kre sramna vu'nafi? A'o. Nagrite kre sramna ovu'naze.

⁴³Tamagra Moleki havi seli mono no erita magoka ne-eta, Rafani havi anumzamofo ofu eritma ne-etma, havi anumzamofo amema'a mono huntenaku tro hu'naze. Ana hu'negu ama mopafintira tamazeri atranenketma Babilon umanigahaze. (Emo 5:25-27)

⁴⁴Tagri neragehoza seli mono no zamia eri'za magoka ka'ma kopi vu'naze. Anumzamo'ma Mosese asamino e'inahu hunka tro huo huno hunte'nea kante ante'za, anahu kna hu'za trohu fatgo hu'naze. (Ekso-Uti 25:9)

⁴⁵Henka tagehe'za ana seli mono nona e'neriza, zamagra ana mopafi Josua'ene naga'amo'zanena megi'a vahe'mofo mopafi ha'hu'za eri'za mani'neza, seli mono nona kiza mani'nageno henka Deviti kna e'ne.

⁴⁶Anumzamofo avesi zamo'a Devitinte megeno, Anumzamoka natregena ra mono nonka'a kineno huno antahige'ne, Jekopu Anumzamo'ma manisia no kinaku hu'ne.

⁴⁷Hu'neanagi Solomoni'a Agri ra mono nona kinte'ne. (1 Kin 6:1)

⁴⁸Hu'neanagi, Mareri Agatere'nea Anumzamo'a vahe'mo azanteti kinte nompina omanigahie huno, Kasnampa ne'mo hunte'ne,

⁴⁹Mona kumara trani'e, Mopa nagiamofo trare, inankna no Nagrira kinantegahaze? huno Ramo'a hu'ne.

⁵⁰Mika'zana monafine mopafinena Nagrake tro hu'noe. (Aisa 66:1-2)

⁵¹Tamagra ke ontahi vahe mani'nageno tamaguamo ene tamagesamo'a tamage kemofona ifo nehie! Tamagra Ruotge Avamumofona tamagehemoma hu'nea kna hutma maka kna tmefi hunemize!

⁵²Kasnampa vahepintira ina'na vahe tamagehe'za zamahe ofri'naze? Fatgoma Hu'nemo'ma esia zamofoma ko'ma huama'ma hu'naza vahera, zamagra zamahe fri'nazanki, tamagratmi menina komoru huta zamahe fri vahe fore nehaze.