Aposol 4:15-36

¹⁵Hianagi kva vahe'mo'za huznantegeke ana atru zamifintima atirami'ne fegia vake'ne, zamagrazmi ke hugantugma hu'za,

¹⁶anage hu'naze, ama netrena na'a huznantegahune? Na'ankure ama kri ne' azeri so'e'ma hu'nea kaguvazamo'a, mika Jerusale mani'naza vahe'pina amate hige'za hago ke'nazankita tagra onke'none huta hufra okigahune.

¹⁷Hianagi ama kemo'ma mago'ane vahepima vuno'eno osanigura, kore ke znasamisunke'ne, mago'ane ama ana agirera mago'a vahera ozanasmisaze huta zanasamisune.

¹⁸Pitane, Joninena ke hzageke efrake'za zanasmi'za, mago ene Jisasi agirera vahera zamasmige, rempi huzamige osutfa hi'o, hu'naze.

¹⁹Hianagi Pitake Jonikea, anage huke ke nona zamire hu'na'e, Anumzamofo avurera knare, tmagri ke antahisupi, Anumzamofo ke antahigahu'e, tamagra tmi fako huta antahiho.

²⁰Na'ankure tagra keta antahita huno'a zante keaga nehuankita, tagra'ma kema tagane'zamo'a amuho hurantegahie.

²¹Anama hu'za mago'ane korekema huznantete'za, kina huzanante kankmuna hake'za eri fore osu'za hu'zanantage'ne vu'na'e. Na'ankure ana mika vahe'mo'za e'inahu zama fore hiazankura Anumzamofo ra agi amizage'za nege'za, vaheku koro hu'naze.

²²Na'ankure ana nera 40ti'a zgekfu agatere'nea nete ana avame'zana fore huno azeri so'e hu'ne.

²³Huma znantegekea, va'azamo'ke, prisi vahe'mo'zane, ranra vahe'mozama makazama humaznante'naza kea magoka zamentinti nehaza naga ome zamasmi'na'e.

²⁴Ana kema nentahi'za, mago zamagu zamagesare zamagerura erintesga huza Anumzantega anage huza hu'naze. Maka'zamofo Ramoke, Kagra monane, mopane, hagerine, hagi mika zama anampinkama me'nea zantmina trohu'nane,

²⁵Kagra ka'a Avamukafi hankeno Deviti nerafa eri'za ne'kamofo agipi huvazinkeno anage hu'ne, Na'a hige'za kokankoka vahe'mo'za zamasigura nehu'za, osuga'zana huku retro nehaze?

²⁶Ama mopafi kini vahe'mo'za magote etru hazage'za, trakere ugagota vahe'tmimo'za zogitru hu'za Ramokane, Kraisinena ha' reneznantaze. (Sam-Zga 2:1-2)

²⁷Na'ankure tamagerafa huno Herotiki, Pointus Pailatiki, megi'a vahe'ene, Israeli vahe ene, ama rankumapina zogitru hute'za, Ruotge eri'za Ne'ka'a huhamprinte'nana Jisasina ha' rentaze. Tamage e'i ana avamente Heroti'ene Paeroti'ene ru vahe'ene Israel vahe'mo'zane ama kumate eri atru hu'za manine'za kagri mofavre kagrama hampri'nana nera Jisasina ahenaku hu'naze.

²⁸Himamu hanaveka'afima ko antahinka egahie hunka retro hunte'nanazamo efore nehie.

²⁹Hagi menina Ramoka, amama tazeri kore'ma hunerantaza'zana ko, tagra kagri eri'za vaheki, tazeri hanavetigeta oti hampona huneta Kagri nanekea huama hugahune.

³⁰Kagra kri vahe'ma krizmima zamazeri amane huzantema, tazama nentesunkeka avame zane, kaguva zanena, Kagri ka'a ruotge eri'za ne' Jisasi agire eri fore huo.

³¹Nunamu hutageno, anama zogitru hu'za mani'naza nomo'a kazakaza higeno, ruotge Avamumo'a zamagu'afi avitege'za, Anumzamofo nanekea reku osu'za agafa hu'za hu'naze.

³²Jisasinte zamentinti nehaza vahe'mo'za raru hu'za mago zamarimpare ene antahintahire nemni'za, tagri' zane hu'za osu'za havia mika'zana omiami nehu'za mani'naze.

³³Tusi'a hanavereti aposol nagamo'za, Ramo'ma Jisasi'ma fripinti oti'nea nanekea huama nehazageno, zamentintima haza nagara tusi'a asunku huzmante'ne.

³⁴Anampima mani'naza kevufintira mago'zankura mago'mo'a upara osu'ne, na'ankure inamofoma mopa'a me'neo, noma'a me'nemo'a zagore atreno ana zago erino,

³⁵aposol naga eme zamizage'za, fako hu'za zagogu'ma upa'ma hu'naza vahe zami'naze.

³⁶Hagi mago Livae nera, Saiprus hageri amuragozafi ksente'nea nera Josefe'e, mago agi'a aposol nagamo'za antemi'nazana Banabasi'e. (Ana agimofo agafa'a, zamazeri hankaveti ke zamasmi mofavre.)