Aposol 2:4-27

⁴Maka'mofona Ruotge Avamu'mo zamagu'afi viteno, zamazeri otige'za, Avamu'mo zamasamia kante ante'za, agafa hu'za aru agerupinti kea hu'naze.

⁵Ana knafina knare hu'za amage ante'naza Juda vahe'mo'za, mopane mopane kotegati e'za Jerusale kumate emani'naze.

⁶Ana agasasa fore nehige'za, miko vahe'mo'za atru hu'za na'a fore nehie hu'naze. Na'ankure mago mago'mo'a agra'a agerupi antahitere hu'ne.

⁷Zamagra antri nehu'za anage hu'naze, ana maka Galili vahe'mo'za kea nehazanki na'a fore nehie?

⁸Na'a higeta tagra mago mago'mota tagra mofavremota nehuna tagerupina nentahune?

⁹Tagra rukotegati rukotegati (Amama mani'nona vahera) Patia mopareti'ene, Medes mopareti'ene Elami mopareti'ene, Mesopotemia mopareti'ene, Judia mopareti'ene, Kapatosia mopareti'ene, Pontasi mopareti'ene, Esia mopareti'ene,

¹⁰Frigia mopareti'ene, Pamfilia mopareti'ene, Isipi mopareti'ene, Livia kazigati'ene, Sairini mopareti ene, Romuti nantu vahe'ene, Hibru vahe'ene, megi'a vahe'mo'za zamagu'a rukrahe hu'naza vahe'enene.

¹¹Kriti mopareti'ene Arab mopareti vahe'mota tagra hanavenentake avu'ava'zama Anumzamo'ma hia zana tagerupi nentahune!

¹²Maka'mo'za mago'ene na'a fore nehie nehu'za, tusi'za hu'za antahintahi hakare hu'naze. Zamagra'a ohumi ahumi nehu'za anage hu'naze, Na'a amazana fore nehie?

¹³Hianagi mago'amo'za anama haza zankura anage hu'za zamagi'za nereza, zamagra kahefa waini ti ne'za negi nenegahaze! Hu'za hu'naze.

¹⁴Hianagi Pita otino 11ni'a amage' nentaza naga'ane mani'neno, ranke huno zamasmino, tamagra Judia vahe'ene, miko Jerusale mani'namota ama huankea tamagesa anteta antahi ankereho.

¹⁵Amama kema nehaza zanku'ma tamagesa hakare nehazana, menina nantera 9 kiloki hu'neanki'za, zamagra negi tina one'naze.

¹⁶Hu'neanagi ama'i korapa kasnampa ne'mo, Joeli hu'nea nanekemofo avufa'a meni negaze.

¹⁷Hagi vagare knafina, Anumzamo'a anage hu'ne, Nagra Avamuni'a vahepi eri herafi atresugeno, tamagri ne'mofa tamimo, kasnampa kea huama nehina, kasefa vahe'mo'za ava'na keaza nehanageno, ranafa tamimo'za ava'na kegahaze.

¹⁸Nagri eri'za vahete'ene, vene'nere ene, a'nerera Nagra Avamu'ni'a ana knafina eri herafi atresugeno zamagra kasnampa kea hugahaze.

¹⁹Nagra monafina ruzahu'za eri fore nehu'na, kaguva avame'za ama mopafina erifore nehu'na, korane, tevene, hampone tokira hugahie.

²⁰Zgemo'a rukrahe huno hani hanigeno, ikamo'a kora hanigeno, henka tusi'a hanave'nentake Ramofo kna egahie.

²¹Ana nehanigeno miko vahe'mo'za, Ramofo agi hanta nevazisamo'za zamu'vazinke'za knare kuma erigahaze. (Jol 2:28-32)

²²Israeli vahe'motma ama kea antahiho, Nazareti ne' Jisasina, Anumzamo azeri oti'nea ne'mo, kaguva zane ruzahu'zane, avame'zana Anumzamo'a, Agripi runtanino amuno tamifina eri'zana erigeta, keta antahita hu'naze.

²³Ama ana nera, Anumzamo antahino ahegahaze huno korapa retro hu'nea kante antetma, tamagra avaretma megi'a vahe zamazampi antage'za, keka zafare hanto ahegeno fri'ne.

²⁴Hianagi Anumzamo'a fri'nefinti azeri otino, fri'zamofo atazampinti azeri so'e hu'ne. Na'ankure frizamofo hanave'amo'a azerintega osu'ne.

²⁵Deviti'a amanahu ke agriku hu'ne, Nagra maka zupa negogeno, Ramo'a navuga nemanie, na'ankure Agra nza tmaga'a mani'neankino, nazeri kazara osugahie.

²⁶E'ina hu'negu nagu'amo'a so'e nehanigeno, nagipintira tusi'a musenkemo atiramigahie. Navufamo'enena anazanke huno fore'ma haniazanku avega anteno manigahie.

²⁷Na'ankure kagra nagu'namena fri vahe kumapina (Heidis), otregahane, huge atresankeno Ruotge hu'nemo'a kerifina okasrigahie.