Aposol 26:7-24

⁷Tagri 12fu'a naga'nofiku huvempa huno erigahaze hu'nea kere zamua kete'za mani'ne'za, zagene haninena hanaveti'za monora hunentaze. E'i anazante'ma navuma ketena namentintima hu'noa zanteku, Juda vahe'mo'za nagrira hafra hunenantaze. Mareri'namoke! (king)

⁸Na'a higetma ama vahe'motma Anumzamo'ma fri vahera zamazeri oti'zankura tamentinti nosaze?

⁹Nagrama nagesama antahi'noana tamageza nehue nehu'na hanaveti'na, Nazareti Jisasi agi'a eri haviza hu'noe.

¹⁰Jerusalemi kumapina amanahu'zana hu'noe. Rama'a Anumzante mani'naza vahetamina, Jiu mono nompima ugagote'naza prisi vahe'mo'zanena hugnare hazage'na zamare'na kina huzamante'na, zamahe frinaku'ma haza vahetera nagranena nazante'na izo huge'za zamahe'naze.

¹¹Hanki hakare zupa maka osi mono nompi mareri'na Anumzama huhaviza hunteho hu'na zamahe'noe. Na'ankure nagra tusi'za hu'na narimpa hezmante'noe. Ru moparegane me'nea ra kumapina ufre'na zamahe'noe.

¹²Anama nehuge'za, mono'nonte ugagota kva vahe'mo'za hugnare hu'za hanave nenami'za hunantage'na Damaskasi nevu'na,

¹³zagemo'a anuntu age12 kiloki higeno, mareri'namokagi (king) monafinkatira msa a'mo'a zagea agatere'nea tvi'mo nevugeno, nagrane magokama vu'nona nagate enena remsa mika hugagi'ne.

¹⁴Ana higeta ana mika'mota traka huta mopafima nemsonkeno, mago kezamo'a Aramu (Hibru) kefinti antahugeno anage hu'ne, Sol, Sol, na'a higenka Nagrira nenahane? Nagri'ma nenahanana, kagra ka'a agonazante tarunehane.

¹⁵Hige'na azage Ramoka? hugeno Ramo'a huno, nenahamo'na Nagra Jisasi'ne.

¹⁶Hianagi otio, na'ankure ama'na agafare, Nagra kavurera efore hue, korapa ama kagrira eri'za ne' kazeri otisugenka, amama kana zane, Nagri'ma naganane, Nagrama kaveri hanuazana huama hugahane hu'na huganteno hu'ne.

¹⁷Nagra Jiu vahe ka'afinti'ene megi'a vahepintira kza hu'na kava hunegante'na, Nagra hugantesugenka zamagrite vunka,

¹⁸zamurga erihari hananke'za hani'zampintira atre'za msare egahaze. Hagi Sata hanavefintira Anumzamofo hanavere esageno, kumi'zamia atrezamantesnige'za, Nagrite zamentinti hazage'na, kumi'zmi eri fanane hu'noa naga'enena erigahaze huno hu'ne.

¹⁹Ana hu'negu, Kini Agripaga, monafinkati'ma ege'na ava'nagnazama ke'noazama amage'ma onte'zamo'a amuho hunantegahie.

²⁰Hu'neanagi pusantera Damaskasi vahe zamasmite'na, Jerusalemine maka Judia vahe'enena zamasmite'na megi'a vahe'enena anazanke hu'na zamasmi'na, tmagu'a rukarehe hutma Anumzante nevinkeno, tamu'tmama hanaza zamo'a, hago tamagua rukarehe hu'naze hino.

²¹E'ina kegafare mago'a Jiu vahe'mo'za ra mono nompintira navuzuhu fegi'atre'za, nahe fri'nakura nehaze.

²²Anumzamo'a nagrira naza hiazana keme e'na ama knarera oe. Hagi ama oti'na mika vahera osi'mofonteti vuno ramofonte'ma vu'neana, nagra huama hu'na nezmasmue. Mago'a kea nosuanagi, Mosese'ene, kasnampa vahe'mo'zama hu'za, e'inahu'zana fore hugahie hu'naza'zamo fore nehie.

²³Kema hu'za Kraisi'a ataza erino friteno pusante fri'pintira otino, Jiu vahete'ene megi'a vahetera tavi'a eri ama hugahie hu'naze.

²⁴Polima agra'ama agu'mavazisia zamofo keagama nehiana, Festusi'a ranke huno Poliga hago ifo nehano! Ra'ma'a zama rempi hu'nana zamo kagrira kazeri savari'nehie!