Aposol 12:3-24

³Anama hiazama Agrama kegeno Juda vahe'mo'za musema hazageno'a, Pitana azerino kina hunteku hu'ne. (Zo'ore breti muse hu'za nenaza knare, anara hu'ne.)

⁴Heroti'a, Pitama azeriteno avareno 4'a sondia vahe kevumofo (16) zamazampi ome antege'za, oza aza hu'za kava kri'naze. Heroti'a Pasova ne'za netesageno, amefi'a maka vahe zamufi Pitana azeri ama hunaku antahi'ne.

⁵Ana higeno Pita'a kina nompi mani'nege'za, mono vahe'zgamo'za Anumzamofontega hampo'nati'za nunamu hunte'naze.

⁶Ana kenegera masenkeno okina Heroti'a avareno keaga huntegahianki nehigeno, Pita'a tare sondia netremokizni amunompi masenegeno, tarega azantera seni nofiteti kina rentenageno, kva vahe'mo'za kina vahete kava kri'za kafante mani'naze.

⁷Ana nehigeno ame huno, Ramofo ankeromo efore higeno, masamo kina vahe nona remsa hu'ne. Ankeromo Pitana asoparega aheno ame hunka otio! Higeno seni nofimo'a Pita azantetira evurami'ne.

⁸Ankeromo'a amanage huno Pitana asami'ne, Kamu'nofira nehunka kaga nona vazio, higeno Pita'a agano antanine. Anante ankeromo anage huno asami'ne, anakre kuka'a nentaninka namage' eno hu'ne.

⁹Pita'a amage' avaririno nevuno, ankeromo'ma azama hiazana agra antahino keno osu'neanagi, agra avana keaza hu'ne.

¹⁰Ese kafante kava hu'naza sondia vahe'ene, anante kafante kava hu'naza sondia vahe zamagterete'ne, ran kumapi vu kafana aenireti hagente'nea ran kafante akeno agra'a kafamo'a anagige'ne atirami'ne osi kampi nevakeno, ankeromo'a ame huno atreno vu'ne,

¹¹Pita'a agrake nevuno amanage hu'ne, menina nagra antahi'noe, Ra Anumzamo'a ankeroma'a huntegeno, Heroti'ene Jiu vahe'mo'za maka'zama hunantenaku hazafintira naza huno katufe natre'ne.

¹²Anante Pitama anama hiaza antahino keno nehuno, Jonina mago agi'a Maki'e nehaza ne'mofo nerera Meri nontega, maka vahe'mo'za mani'neza nunamu nehazarega vu'ne

¹³Anante Pita eno megi'a kafante eme vagare vagare higeno'a, Roda'e nehaza eri'za mofa'mo eno eme antahi'ne

¹⁴Pita ageruma nentahino'a, ana kafana onagi atreno tusi muse nehuno, agareno vuno Pita'a kafante oti'ne huno ana vahe zga ome zamasmi'ne.

¹⁵Hu'neanagi zamagra anage ana mofakura hu'naze, Kagra negi nenegahane! Ana mofamo hanavetino tamage Pita'e nehige'za, kagra ankeroma'a ke'negahane hu'za mago'ane hu'naze.

¹⁶Pita vagare vagare nehigeno zamagrama kafa anagi'za nege'za, nankna huno e'neha hu'za tusi'a antri hu'naze.

¹⁷Agra azanu avame hige'za akohe'za mani'zageno Ramo'ma kina nompinti azama huno avare atre'nea kea zamasmi'ne. Ana huteno anage hu'ne, Jemisine mono nafuheina ama ana nanekea zamasmiho huteno atreno ru kumatega vu'ne.

¹⁸Ko'ma atige'za, kina nonte'ma kva hu'naza sondia vahe'mo'za tusiza hu'za Pita'a na'a hu'neha hu'za rama'a antahintahi hu'naze.

¹⁹Anante Heroti'ma hakareno keama, keno erifore nosuno'a kavama hu'naza vahera kegaga huzmanteno tamagra frigahaze hige'za, zamahe friku zamare'za vazageno, henka Judiatira atreno uramino Sisaria umani'ne.

²⁰Anante Heroti'a Taia kumate vahe'ene, Saito kumate vahe'mokizmigura arimpa ahezamantege'za, zamagra mago zamarimpa hu'za agrite emeri atru hu'za, Kini ne'mofo tva'onte eri'za ne' Blastusi, zamaza hinogu rimpa azeri fru hute'za, knare nomanizama kini ne'mo'ma zamisigu antahige'naze. Na'ankure zamagrama kave'ma e'nerizana kini Heroti'ma kava kri'nea mopafinti e'neri'ze.

²¹Mago kna erintaza knazupa, Kini Heroti'a kini vahe kukena huteno, keaga refakohu trate mani'neno zamagrira rama'a keaga zamasmi'ne.

²²Hu'neanagi tusi'a vahe'mo'za agafa hu'za rankehu'za mago anumzamofo agerure, hanki vahe'mofo agerura omane'ne! hu'naze.

²³Ana kema nehazama'a, mago Ramofo ankeromo Herotina ahe tre'ne, na'ankure Anumzamofo ra agi omigeno agrira knimo amprigeno fri'ne.

²⁴Hu'neanagi Anumzamofo kemo'a hageno rura huno vuno eno hu'ne.