APOSETOLO EDIA KARA 21:3-26

³Kupro a itaia, bena laurina kahana ai a heautania, Suria ai a heau kau, Turo ai a diho; badina be lagatoi kohuna unuseni ai bae vaia eto.

⁴Iesu ibadinana taudia a davaridia, bena unuseni ai boi hitu a nohova; Lauma ena amo idia ese Paulo e hamaoroa loulou, Ierusalem basinela.

⁵Unu dinadia e ore, bena emai laolao ala; idia iboudiai mai adavadia mai natudia ida dala ai e bamomai ela bona hanua a rakatania. Kone ai a hetuitui, a ḡuriḡuri,

⁶bena a hatonidia, lagatoi ai a ḡui kau. Idia ese edia ruma e lou heni.

⁷Turo amo a heau, Tolemaia ai a heau kau: emai heau dokona bunai. Unuseni ai varavara a hahenamo henidia, dina tamona idia ida a noho.

⁸Daba ai, Tolemaia a rakatania, Kaisarea ala, Filipo, sivarai namo iharorolaina tauna, ena ruma ai a dae kau; ia na hahituosi taudia ta. Bena ia ida a nohova.

⁹Ia na mai natuna ulatodia hahani; hahaniosi ese e perovetava.

¹⁰Dina hoho unuseni ai nohomai ai, peroveta tauna ta, ladana Agabo, Iudea amo e diho ema,

¹¹dekemai ai e gini dae. Bena ia ese Paulo ena dabua e abia, sibona aena bona imana e ḡuilai, eto, Lauma Helaḡa be ini e gwau tomamu: ina dabua biaguna na Iuda taudia ese Ierusalem ai ini bae ḡuia toma, bena idau bese taudia bae henidia.

¹²Una hereva a kamonai negana ai na ai bona una gabu taudia danu a noia loulou, Ierusalem basine ha dara dae.

¹³Bena Paulo e haere, eto, Ini o tai tomamu bona lalogu ini o hamanokaia tomamu anina be dahaka? Lau be vada name heḡaeḡae, bae ḡuigu; oibe, dia una mo, baina mase danu Ierusalem ai, Lohiabada Iesu ladana bagunai.

¹⁴Bena lalona ianina ai asia heḡereḡere dainai emai noinoi a hadokoa, ato, Lohiabada ena ura mo baine karaia.

¹⁵Unu dina muridiai, emai laolao ḡaudia a abi heḡaeḡae, bena Ierusalem ai a ha dara dae.

¹⁶Iesu ibadinana taudia haida Kaisarea amo e bamomai; Nason, tau Kupro, danu a hakaua lao; ia na Iesu ibadinana tauna gunana ta, ena ruma ai baine abimai dae eto.

¹⁷Ierusalem ai a kau negana ai na varavara ese e abimai dae mai moaledia ida.

¹⁸Kerukeru, Paulo na ai ida ala, Iakobo dekenai a raka vareai; ekalesia oreana ita-taona taudia iboudiai danu e hebou.

¹⁹Paulo ese e hahenamo henidia, bena Dirava ese bese idau-idau taudia bogaragidiai iena hesiai amo e karava kal-adia iboudiai sivaraidia e gwaurai.

²⁰Idia na e kamonai, bena Dirava e heatolaia. Bena idia ese ia e hereva henia, eto, Varavalamai e, oi dibamu Iuda taudia daha daha ese Iesu vada e badinaiamu; iboudiai danu taravatu e badinaia tarika-tarikamu.

²¹Idia na vada e kamonai, oi ese Iuda taudia bese idau-idau bogaragidiai e nohomu na o hadibadiamu, Mose bae rakatania, bona natudia basie peritomedia, bona sene karadia basie kara.

²²Taunabenai, ede ba kara toma? Momokani, idia na bae kamonai oi vada oma.

²³Una dainai, ina kara aia hamaorolaimu na ba karaia. Tatau hahani bini hehelaḡa, edia gwauhamata dainai.

²⁴Oi ese ba bamodia, idia ida ba hallego(:va, bae laohai kohudia danu ba davanalai, bena huidia bae utu. Unu am-taunimanima iboudiai bae diba oi harimu e kamonaiva na asi anina; bae diba danu o kara maoromaoromu, bona taravatu o badinaiamu.

²⁵A bese idau-idau taudia na emai lalo-hadai vada a tore henidia, ato, Kaivakuku ihahoulaidia ḡaudia bona rara bona aiodia e gigi ḡaudia hidiodia na basie ani, bona basieheuda-hanai.

²⁶Taunabunai, Paulo ese hari tatau e bamodia; kerukeru, idia ida e hahegoeva, bona Dubu Helaḡa lalonai e raka vareai, haheḡoeva dinadia bae ore bona boubou ḡaudia idia ta ta daidiai baine ato dinana e gwauraia hedinarai.