APOSETOLO EDIA KARA 18:10-16

¹⁰Badina lau be oi dekenai lau noho, tau ta ese oi do ia hadikaia lasi, badina be lauegu taunimanima be momo inai hanua lalonai.”

¹¹Vadaeni, Paulo ese lagani ta bona hua 6 unuseni ia noho, Dirava ena hereva ia hadibaia noho.

¹²Galio be Akaia tano ena gavana dagi ia abia neganai, Iuda taudia ese Paulo dekenai idia dagedage mai lalona tamona danu. Idia dogoatao, kota dekenai idia hakaua lao.

¹³Idia gwau, “Inai tau ese taunimanima ia hadibaia noho, taravatu do idia utua dalana dekena amo Dirava do idia tomadiho henia.”

¹⁴Paulo ia ura hereva, to Galio ese Iuda taudia ia hamaoroa, ia gwau, “Umui Iuda taudia e, bema inai tau ese kara dika ta o kerere badana ta ia karaia neganai, umui dekenai lau kamonai be mai badina.

¹⁵To, inai hepapahuahu be umui emui hereva, bona ladana, bona emui taravatu gaudia sibona. Unai dainai umui sibona do umui tahua. Lau ese unai gaudia lau kota henia lasi.”

¹⁶Bona ia ese kota gabuna dekena amo ibounai ia lulua.