APOSETOLO EDIA KARA 13:43-52

⁴³Hebou ia ore neganai, Iuda taudia momo bona idau bese taudia, Iuda edia guriguri kara idia badinaia taudia, be Paulo bona Banaba edia murinai idia raka. Ruaosi ese idia dekenai idia hereva, dohore idia goada karaia, bona Dirava ena hariharibada lalonai do idia noho.

⁴⁴Gabeai Sabati Dina dekenai hanua taudia momo herea Dirava ena hereva kamonai totona idia hebou.

⁴⁵To Iuda taudia ese inai taunimanima momo idia itaia neganai, idia mama. Paulo ena hereva idia ura koua mai hereva dika danu.

⁴⁶Vadaeni, Paulo bona Banaba idia hereva goada, idia gwau, “Momokani, Dirava ena hereva ai hadibaia umui Iuda taudia dekenai guna be gau badana. To umui ura lasi, bona inai dainai umui sibona umui gwauraia mauri hanaihanai dohore umui abia lasi. Inai dainai idau bese taudia dekenai do ai lao.

⁴⁷Badina be Lohiabada ese ai dekenai ia hamaoroa vadaeni, ia gwau: ‘Lau ese umui lau atoa, idau bese taudia edia diari do umui lao, bona egu mauri abia ena dala tanobada taudia ibounai dekenai.’ ”

⁴⁸Idau bese taudia ese inai hereva idia kamonai neganai idia moale bada, bona Lohiabada ena hereva idia hanamoa. Bona Dirava ese ia abia hidi, mauri hanaihanai abia totona taudia ibounai ese abidadama taudia idia halaoa.

⁴⁹Bona Lohiabada ena hereva ia lao unai tano ena kahana ibounai dekenai.

⁵⁰Iuda taudia ese hahine badadia, Dirava dekenai idia gari hahine, bona hanua tau badadia danu dekenai idia hereva, Paulo bona Banaba do idia dagedage henia. Bona edia tano dekena amo idia lulua.

⁵¹Vadaeni ruaosi ese edia aena kahu idia negea oho, unai taudia edia kara dika hedinaraia totona, bona Ikonio dekenai idia lao.

⁵²To Iesu diba tahua taudia ibounai be idia moale bada, bona Lauma Helaga dekenai idia honu.