APOSETOLO EDIA KARA 12:2-8

²Iamesi, Ioane ena kakana be kaia dekenai Heroda ese ia alaia mase.

³Ia itaia, Iuda taudia idia moale inai kara dekenai, vadaeni, unai dainai ia ese Petero danu ma ia dogoatao. Unai be Paraoa Hatubua Lasi aria idia karaia negana.

⁴Ia dogoatao neganai, dibura ruma lalonai ia koua, bona ia henia tuari orea 4 dekenai (orea ta be tuari taudia 4), idia gimaia totona. Heroda ia laloa be Pasova murinai, Petero be hanua taudia edia kota vairanai do ia hakaua lao.

⁵Unai dainai, Petero be dibura ruma lalonai idia gimaia, to ekalesia taudia ese Dirava dekenai idia noinoi goadagoada Petero dainai.

⁶Heroda ia ura kerukeru be taunimanima edia kota vairanai Petero do ia hakaua lao, vadaeni unai hanuaboi Petero be tuari taudia rua edia huanai ia mahuta noho, auri gaudia rua dekenai ia kwatua. Gima taudia danu iduara ena vairanai dibura ruma idia gimaia noho.

⁷Bona nega tamona Lohiabada ena aneru ta Petero badinai ia gini, diari danu dibura ruma ia hadiaria. Aneru ese Petero ena kopina ia botaia, ia hanogaia, ia gwau, “Oi toreisi haraga.” Vadaeni auri kwatua gaudia be Petero ena imana dekena amo idia moru.

⁸Ma inai aneru ese ia hadibaia, ia gwau, “Oiemu rami oi kwatua, bona oiemu tamaka oi atoa.” Unai bamona ia karaia. Aneru ma ia hereva. “Oiemu kouti oi atoa, lauegu murinai oi raka.”