APOSETOLO EDIA KARA 11:2-10

²Taunabunai, Petro na Ierusalem ai e dara dae negana ai na peritome ibadinana taudia ese e hepapahuahu henia,

³eto, Asie peritomedia taudia dekedia ola, idia ida o ani bou.

⁴Bena Petro ese sivarai idoinai e hamaorolaidia, matamana amo ela bona dokona.

⁵Ia eto, Iopa ai na nohova, bena egu ḡuriḡuri negana ai na mata hanai ai ḡau ta na itaia, dabua bada-hereana na heto, guba amo e diho, daigunina haniosi amo e tua dobi lau dekegu ai.

⁶Na raraia tao, mauri ḡaudia idau-idau, e rakamu ḡaudia, e raumu ḡaudia, bona e rohomu manudia, lalonai e uda na ita.

⁷Bena ere ta na kamonai, e hereva henigu, eto “Petro e, a tore isi, avaladia, bavani”.

⁸Bena na haere, nato “Lohiabada e, lasi vaitani, ḡau dikadia bona mai helaḡadia na asina animu ema bona hari”.

⁹A ere na nega iharuana guba amo ema, eto “Dirava ese vada e haḡoevadia ḡaudia na basioto didika”.

¹⁰Hatoi unu e kara toma, bena unu ḡau idoidiai guba ai ma e veri dae lou.