11Nom tunmoh bro dukeft duka kangnom, Nungothet Jisasrhu yuhuwaf nmbuhatn nom yakrahrnom rom yakmo kanjo.鈥
12Pitar pthanimotr nd rhu rifinymo yimam tfit nhofijo rhuhato memom, 鈥淎fo Porrof pthayuk mrokfom wany-rahnom.鈥 Tfit Porrofn nd bro bbukeft Bro Nkifrarpno yakhato wom kmimpno mirakerm namom kfo nuhas bonuhas bugamofm.
13Rof pthanimotf tfit Jemsr sinyahato memorm, 鈥淏ar yimako, afo tfit nann ptharhota wawanyswako.
14Bro Nkifrar yima tangim hti yuhuwafhato yakmiyakmo yuhat bi wanukomt Saimonr pthirt.
15Bingot profetm pthamo mrokfo yuhatn bi inji rhu hik hanitt. Profetm to kfo memom,
16鈥楤ror kfo kangr, 鈥淒efitrhu frikeft rmonr yoh nafurwa kanjo inji foh nafurmot. Kto tfit nann yakaknihato kasinyaruhanr. Nann habokkna marnyar-hoyanr toh bmtarahr.