Aposels 19:1-5

¹Wem Apolos wala ratei Korin Pol leifale linge ire yepe pele linge tef liti Korin lau fale Efesus. Lepe le lerengape mete ilepe piti pingowo le le lepleteiye,

²“Ise kali Riri Teingi lau lunkise wem ise yulpowo lo olo?” “Ku oloteiye, Riri Teingi fei lepe ku mingitei pe pirpei piti le ratei kolo,” pe namti pirpowo polpepei.

³“Eiye lom?” Pol namti lepleteiye, “Ise yungungu yinge tisi piti mi?” Leye lo pe namti pirpowoye, “Ku mungungu minge tisi wuso Jon liti kaptetei mete lirpei lepe.”

⁴Fei le Pol lirpepe lolpepei, “Ise yungungu yinge tisi liti Jon, kuna le le kaptetei mete piti tounga pesipe le pe pusape il olpe pato. Le le lirpepe mete piti Israel ma pulpowo metine ma luwowo lingi lau, le metine fei lepe, le Jisas.”

⁵Wem pe pingitepe il fei pepei pe pungungu pire nange liti Apa louku Jisas.