Aposel 5:35-38

³⁵Odimei cegulec maaden, “Isrel dana, dana i agenu ceteh oso odadoqagannufi batut cisdoigale.

³⁶Ge, saen osona Tiudas cali hon. Odimei uqa ija meca ec maden. Odocob dana 400 odi uqaca gabandoin qa uqa qagadogin cal men. Dana uqa toodu coboloig eu filfil buadein. Odocob uqana cabi sanan men eu gauc cal mi qee men.

³⁷Eu hedocob Judas Galilidec, dana cajaca cunug sanijadec saenna cali hon uqa dana mati bahic diiadeceb toodoin qa uqaha qocobil cal meceb dana uqa toodoloig eu filfil buadein.

³⁸Eunu ija maadigina, dana i agena cabi eu maha inadec dana agena oginafi isi jausigian. Euqa eu Anutnu cabi oginafi age wooladecwe qee. Agedodoc Anutca cadoqaga odowainnu dana i agenu ceteh oso cain mahuc odowain. Culadi qisacadeiga!” aden. Odocob cegulec age Gamelielna je toodu odoin.