Text copied!
CopyCompare
Label Buk Baibel - Aposel - Aposel 2

Aposel 2:6-12

Help us?
Click on verse(s) to share them!
6Ning la longor a rurung ne, la dun ot taum, pa i loklokron a nuknukinla onoi, anasa la taktakai la longor anunla na warwarala, ning a tena tortorotla la warwara ono.
7Pa la rop la kulkulan pa la nuknuk kol ana utna ne, pa la atongi mange, “Oroi, la ne, ning la warwara, a tarai Galilila rop ka!
8Asa kamkamna ning dala rop taktakai, dala longor lalan anundala na warwarala?
9Dala na te Partiala, a te Midiala, a te Elamla, pa dala mitimo na paparla ne Mesopotemia, Judia, Kapadosia, Pontus, Esia,
10Prigia, Pampilia pa e Ijip. Dala mitimo na papar Libia ning i milau e Sairini, pa dingla na tarai mitimo e Rom. Dala na tarai Juda pa dingla ondala ning la kas ana lotu Juda.
11Pa dala miting e Krit pa a papar Arebia. Dala rop dala longor la ning la warwara ana tatatnan titolla anun e God ana nundala na warwarala.”
12Pa la kulkulan, pa i loklokron a nuknukinla, pa la deken artalai la mang, “Dalar tasman mangmangasa a utna ne?”

Read Aposel 2Aposel 2
Compare Aposel 2:6-12Aposel 2:6-12