Aposel 2:12-16

¹²Ndi ngɨpaliga walaa tungwengwan yiga nat nɨmba awat sowat wagalandi. Kan mandana waa wagalandi.

¹³Nat nɨmba njɨka wandi. Wan nɨmba nɨma ngu kɨlaa tungwengwan yiga ngambulɨndi maa njɨka wandi nat nɨmba.

¹⁴Njɨka wandi maa Pita nat tambavɨli kiyeli kɨta nɨmbonala tɨga laatndɨ. Laataa wandɨ. Ngwuk Judana nɨmba ngwuk Jerusalemba lɨga nɨmba ngwuk. Ngwuk kat kɨta nyaangɨt mbupmat tɨgowun.

¹⁵wan nɨmba nɨma ngu kɨlaa ana tungwengwan yindi. Kan ngambi. Nɨna ngepmana vak nɨma ngu ana kɨlɨganɨn ngambimba. Vɨlɨgangwuk.

¹⁶Wan vɨlaa wukngwa vak tamba la profet Joel wan vak kat pɨlɨwutndɨ. God wandɨ. Yaiga njɨmbla wuna waagan kwigiyawun ndinyangu kat. kwiwun maa ngwula nondanyan taagwanyan wunai waa nyaangɨt mbukiyandi. Ngwula kwandɨ ndu mandɨt mandɨt nyaangɨt sɨmogwiweya vak vɨgiyandi. Ngwula avɨt ndu sɨmogwiweya sɨmak vɨgiyandi.