Aposel 23:1-4

¹Pol anyolom amwenen mada iri kansol mara-ei, ma iy anya, “Aha nadu tine, Kindrei badeh, ndranyolom iri kandriyen tek mari na bolo len mara-ei, ndrabwena eme asahan dah. Jo batona ari kandriyen ndra-in jo amekes bwe.”

²Pol asehek sahou doh ili ma tinan tiri pris nyaran Ananayas eme tiye oro lau rayah ales are mirihik ta Pol i buku doh, “Ado katabasi lim ki boho iy ndramak badeh.”

³Pol tiye ili ta Ananayas i buku doh, “Kindrei kameh a-um ou. Buku ou badeh, atehei awin tiri tinan, arile bahandran ta aliy badeh, ou ndramak ndra-in, ma budon tam ndrandra-i. Ou anya ou ndramak ari handru ta a-en hamon ta kandriyen malen ta Moses, ma aseben ta amekes sahou tek, ya i buku sah, nadah ja ou ndrasakalawi kandriyen malen, ma ou tiye iri lau are kada-ah ta a-um jo laleyah?”

⁴Ya, oro lau nane ales are mirihik ta Pol asehek i tan i buku doh, “Hei, Kindrei atehei i ndramak kodo-oh tinan tiri Juwis. Ya, ou sondrokonya iy na sahou badeh, tasah handru?”