Aposel 19:8-13

⁸O Pol i ser ruk una rumu na lotu, ma i wasiso nama dekdek ma ke ngara. I lari sur in pukus pas a nuknukin det sur a matanitu anun o God. I pami lenra i elar nama tulu kalang.

⁹Ikut a balan a ramano taro tagun det i dekdek sakit, ma ka det nem na nurnur, ra det watung laulau a Kisapi anun o Karisito umatan a taro rop. Numur o Pol i wan pas gusun det. I wan sur a rumu na ususer anun o Tiranus, ma a taro na ususer det muri ra det wasiso tomo una kum bung una rumu ra.

¹⁰Aru kilalo i ser pami lenra. Ra det rop ra det kis una papor Asia, a taro Juda ma a taro ra awu sur a taro Juda kai, det longoro a wasiso anun a Labino.

¹¹O Pol i pam a kum dekdek na utna na ukisin nama dekdekin o God.

¹²Ma a taro det los pas anundet a kum du tawol, ma a kum du malu kai, ra det ubek pasi una pinin o Pol. Numur det ubeki una kum misait ra det langolango, ma a kum laulau na nion kai det pirso mut gusun det.

¹³A ramano kum te Juda, det ser wan tuptupukus una kum tamon, sur det in lakro ru a kum laulau na nion gusun a taro. Ma det lari sur det in lakro ru i kai a kum laulau na nion nama risan o Iesu. Det ser watungi lena, “A lakro ru mot nama risan o Iesu, ra o Pol i ser warawai nami.”