Aposel 19:30-37

³⁰Pol badeh, anya kili mada iri lau mari, arile iri lau ta Kindrei badeh, balelei iy bwe.

³¹Ma hawe iri batun rayah badu kon doh, hawe iri kawas tan suni sahou i tan, ta iy badeh, sala ndrahu tukum ta mada lau mari.

³²Iri lau mari badeh, anyon. Iri rayah badeh, sarakau i randrah labai, ya iri rayah i randrah labai. Ya iri lau solo-an bala tanan ta katin ta iri ala doh bwe.

³³Eme iri Juwis andrekei Aleksandra ili udu mwena tiri ma iri rayah sarakau, ta iy ki-in hamon ta boho iri. Eme ma iy tiye iri mari kandru-uk, ya iy kamekes sahou ta aseben iri lau.

³⁴Arile, udu ja iri atanan iy badeh, badu Juwis, eme iri sarakau i le buku bwena nane anya, “Atemis kindrei badu Epesus badeh, iy le ai.” Iri sarakau ili winiya awa la-uh.

³⁵Eme ndramak ta atorou lakou badu kon tinan tiye iri andru-uk, ano iy anya, “Aha lau badu Epesus, iri lau badu kon munyak mari tana iri ta kon tinan Epesus badeh, ta atondrok asiu ta atudun kindrei badih Atemis hawe sukumada hayen mene taku udu kandrah eme andri.

³⁶Iri lakou doh handru ya ari lau winiyan babisiniy bwe. Ya ado kandru-uk ma ado samekes lakou ta bobo-ap.

³⁷Ya ado ndraluwi uru lau kede-eh ame dah, uru babene-ei ari lakou badu bolo asiu ta tudun ta Atemis bwe, ma uru badeh, batiye sahou ndra-in bala ta kindrei tato bwe oh.