Aposel 19:11-20

¹¹O Pol i pam a kum dekdek na utna na ukisin nama dekdekin o God.

¹²Ma a taro det los pas anundet a kum du tawol, ma a kum du malu kai, ra det ubek pasi una pinin o Pol. Numur det ubeki una kum misait ra det langolango, ma a kum laulau na nion kai det pirso mut gusun det.

¹³A ramano kum te Juda, det ser wan tuptupukus una kum tamon, sur det in lakro ru a kum laulau na nion gusun a taro. Ma det lari sur det in lakro ru i kai a kum laulau na nion nama risan o Iesu. Det ser watungi lena, “A lakro ru mot nama risan o Iesu, ra o Pol i ser warawai nami.”

¹⁴Ara musano, a risano o Skewa a te Juda, a labino tene etabor torom o God, a wonom mawit na nutnutunu, det kai det lari sur det in lakro ru a kum laulau na nion nama risan o Iesu.

¹⁵Ikut a laulau na nion i balu det lena, “A tasmani ut o Iesu, ma a tasmani utkai o Pol. Ikut mot, osi mot?”

¹⁶Ra a musano ra a laulau na nion kura uni, i sirok bat pas det, ra i um kinkidikin tar det ma i raros ru anundet a kum malu. Ra det kalabor pirso unago upiso nama kum kabo mengmengere mukut.

¹⁷A wasiso una utna ri, i wanpat torom a taro Juda ma a taro kai ra awu sur a taro Juda ra det kis tong o Epeses, ra det ngara rop, ma det urur sakit una risan a Labino o Iesu.

¹⁸A susut tagun det ra det nurnur, det wanpat ma det watung puaso anundet a kum sakino petutna.

¹⁹Ma a susut kai tagun det ra det ser sangsagor, det los tomo pas anundet a kum buk na sangsagor, ra det tun ru det tiro umatan a taro rop. Ra det luk tomo pas a matan a kum buk rop, i elar ut nama limo na noino arip na mani.

²⁰Ra a wasiso anun a Labino i wan sarara, ra i lubung ma i dekdek.