Aposel 17:27-33

²⁷Kindrei amekes san doh badeh, ta lau kala katakaleh iy, i buku none bale iri kabwetenei. Tasah, iy badeh, udu le bakep hawe taha ari ari.

²⁸Ma, na iy le badeh, taha ado mulin ma adek ala doh, ala doh ma to asahan awas dah. I le buku none lau ta asehek kundruh tado ndrasehek ndra-au anya, ‘Taha badeh, nadun labai.’

²⁹“Ya eme i buku doh, taha badeh, nadu Kindrei ya eme taha satehei budon anya Kindrei kede-eh i buku none ari sukumada kei ndramak asehek na lim, deh, i buku bek nyikilikin gol deh, i buku none bek laleyah bwe.

³⁰Len bwena mene, Kindrei anyolom lau badeh, bala tanan iy bwe, ya iy batiye iri ta lakou iri amekes laleyah bwe. Arile, na len dah ja, iy batanau lau mari badu heh, badu heh badeh, katubuni ndrine iri.

³¹Tasah, iy ndrasani len ta iy kameh aleben lau badu kon munyak mari, na ndramak ari mwasin labai iy ndratehei lahou dah ndra minen. Iy badeh ndraleheyani lakou doh ndrasahan handru ndrame len mada lau mari i san ta iy suni iy amak ta imek tan eme loken.”

³²Eme na len iri anuhun Pol asehek nyala amak eme loken ta imek badeh, iri lau rayah ja badeh, bobose iy. Arile, iri rayah anya, “Ahi anya kanuhun sahou ou nane asehek badeh, ja.”

³³Eme ma iy ruwani iri ma iy iu.