Aposel 17:17-19

¹⁷Eng gab ne Yuda Qenut igau munai mor end isub Yuda ne Grik munon qei Yuda qomon taut igour eng nob qamb ne maket ginam end is munon ar end igour eng wurinob qamb ende at igoai.

¹⁸Pol qamb qamar: “In Yisast oabig eng umb Yisas der bugamor gas ende der bugomboun.” Ende qamara Grik wurinou qoyam munon yurau qei Epikurian ne Stoik qamb igour eng der wonob agunumirei. Ne qei qamamir: “Munon e qindeindir qob song-song qamb wonou qen big qib igo,” qamarari ne qei: “Aibigau song-song igour eng qob qamarari toat igorun qamb qura qiyo,” ende qamb igurei. Eng qamamir eng Pol wo qob uber Yisas wo umb der bugamor gas ende in gor umb der bugomboun ende qamar end qamamir eng.

¹⁹Ende qamb wogub Pol mot ai qaur ger Areopagus qamb igour end irune kaunsel unumiramir eng Atens igour eng qob qamara qerei igar qamb. Irab Pol nob qamamir: “Qob bubun munon ginam-ginam wurinob qamb qib igoan eng bo qamara igun. In igoun eng bubun, gab bo igub,” ende qamamirei.