Text copied!
CopyCompare
Golin New Testament - Aposel - Aposel 15

Aposel 15:29-37

Help us?
Click on verse(s) to share them!
29‘Kobile galbale kabe si ki tongwa, nekio. Kabe mayan ta nekio. Kabe naan aa di dire si gulungwa para nekio. Gi te abal kunibe ikio.’ I kal iru mun kal waa tere ta erekinanga, wai wen milanwa. Para we.”
30Bilere pare nusi erungure, pirere Antioko ai u bawa dire ka main ibal taminin di ku bilere ka minin ganin bilungwa tongwa.
31Tongure kere wai pire ka iru bilungwa wai pire gun yongwa.
32Ena Yudas te Sailas God ka kebe yal milungwa, ka binanbile kaman tongure, ibal kobe pire gi dungwa pi nima ongwa.
33Yal sui kaun taw mile kwi sinaa di ere nama dire, ibal para “Ere po,” dungure ibal kobe nusi erungure kwi ere ain ongwa.
34Omba Sailas Antioko ai milala di pirungwa.
35Pol te Banabas te ibal binanbile bole Antioko milere, Yesu Singaba ka main kere di tere nil si tongwa.
36Ena kaun taw mile pare, Pol iru di Banabas tongwa, “Goma na yasu Yesu Singaba ka main bolin kule ibal kobe tere ogu ai para muru, ka main ibal taminin milungwa mere kanabina, nabina wo.”
37Dungure Banabas yal ta kaan Yon Maka awli nala di pirungwa.

Read Aposel 15Aposel 15
Compare Aposel 15:29-37Aposel 15:29-37