Aposel 15:28-32

²⁸God Kegemama Iban te na ibal kobe bole nomanin taran iru sibinwa. Konagi nega wen di ta ere tekerabinba, kaman iru di i tobinga,

²⁹‘Kobile galbale kabe si ki tongwa, nekio. Kabe mayan ta nekio. Kabe naan aa di dire si gulungwa para nekio. Gi te abal kunibe ikio.’ I kal iru mun kal waa tere ta erekinanga, wai wen milanwa. Para we.”

³⁰Bilere pare nusi erungure, pirere Antioko ai u bawa dire ka main ibal taminin di ku bilere ka minin ganin bilungwa tongwa.

³¹Tongure kere wai pire ka iru bilungwa wai pire gun yongwa.

³²Ena Yudas te Sailas God ka kebe yal milungwa, ka binanbile kaman tongure, ibal kobe pire gi dungwa pi nima ongwa.