10Sur asa ning mulo mang sur mulor lar e God, ning mulo saran tar a mamahat a titol tetek a tarai a asasaer ning mulo atongi mang lar mur a Warkuraila ane Moses? Anundala mangis a tarai tagun nating bel la tolsot sur lar muri, pa dala otleng ne bel dala tolsot pasi.
11Ika dala tortorot mang dir alaun dala kamna ana marmaris ana nundala Leklek e Iesu, arlar otleng onla.”
12Pa tarai rop ning la kes taum, la kes longoroi, ning la longor e Pol pa e Barnabas, dia warwara ana asilangla taum ana ututna na kulkulan dia toli ana rakrakai ane God tetek a taraila ning bel a tarai Juda.
13Ning dia manah na warwara, e Jems i atongi mang, “Na tastasikla, mulor longor iau.
14E Saimon i atai dala ana ningnigo na pukakiar mang e God i maris la ning bel a tarai Juda pa i ben pas dingla na tarai tagun la sur la anunai ot.
15A utna ne e God i toli i arlar ana warwara anuna propetla. Larning di ka tumus tari mange,
16‘Lamur ono, ar ulak, pa ar tol ulak a rumai ane Dewit, ning ka taroh. Pa ar atur ulak pas a rumai ning i taroh, pa ar tol wakak ulaki.
17Pa a taraila masik otleng, a taraila ning bel a tarai Juda, lar talingir tetek a Leklek, la ning ia ka kabah pas la sur anuki. A Leklek ka atong tari larne, ka warwara talapor ana ututnala ne’ natnating ot.
Aposel 15
Aposel 15:10-17