Aposel 13:46-50

⁴⁶Mɨ Pol sowa Banabas sɨmiirɨn yaimwo aiirar boɨnmɨmauugo. Mɨ sowa boɨn, krɨra ta yai kɨbiya Adi Komii siira bɨi Juda iikamɨm kɨmiir boɨnmɨmauuniyam nɨtkwo. Mɨ kɨma ta yai aiirɨn digɨumii haigɨngigi, aeya wɨm kɨma boɨnae mɨ nɨm krɨma tɨ kwoɨnbudɨn omwai waiyayokiyokɨiiyɨn siirɨn wɨ hai rani. Mɨ wakae kɨma! Panao krɨra pɨ kɨmiir haiburgigi mɨ krɨra pɨ ɨkɨ isid whɨrɨn siyɨm nami. Mɨ ta yaiya pɨ sɨmiir ninɨ boɨnmauugigi, sɨma Juda sɨmiir iikam tani.

⁴⁷Bɨiyan Inkam Komii siya hɨnɨɨna boɨnkikɨn kariirɨn, kara kɨmiir nɨmbingikɨm siyɨu mɨiyɨk ɨkɨ iikam isid whɨrɨn sɨmiir nɨsiimauuwɨm Juda iikam tani siyɨuɨn nɨtmaisok okwowiyɨn siir. Mɨ kɨra ɨni pae nɨuyanan ywowɨn, sɨmiir nɨuya haigɨnɨuwam. Mɨ ɨkɨ om whɨekakɨm tɨ nu ɨiir nwowɨm, sɨmiirɨn wɨ tɨ yai aiir boɨnmauuwi kɨra. Mɨ sɨmiirɨn wɨ siyɨuɨn nɨtmaisok okwowiyɨn wɨ kɨra pɨ yɨsiisiimauu haigɨnɨuwɨn.

⁴⁸Mɨ iikamɨm Juda iikam tani sɨma ta yai aiir wakaeyɨm mɨ sɨmiir mhɨi kwoɨnɨm ɨni wadɨeya ywokiyɨm. Sɨma ɨni maɨrgɨmaɨrga ywokiyɨm tɨ Bɨiyan Inkam Komiiyɨn siir yaiya aiirɨmɨn. Mɨ ɨkɨ iikam whɨekakɨm Adi Komii siya nɨmbinɨm, kwoɨnbudɨn omwai waiyayokiyokɨiiyɨn siir haiyɨm. Mɨ sɨma ɨna yaɨngwo tɨbmiiyɨm.

⁴⁹Mɨ Adi Komii siir yaiya ɨni ta maeyau aiir yamkiya.

⁵⁰Mɨ Juda sɨmiir bɨiyan kamɨm sɨma inɨ hopsowoɨu wigɨm inɨgakɨm Adi Komii siir inɨg ɨiir hainaniyɨm sɨmiir kwoɨn ɨmiir. Mɨ Bɨiyan Inkam Komiiyɨm tɨ om komii siir nwowiyɨm sɨmiirɨn warar. Mɨ sɨma ɨna yɨgbumbuɨm Pol, Banabas sowiirɨn. Mɨ sɨma ɨna kauriirgiyɨm sowiirɨn sowa tɨ nu ɨiir kɨpi nwo.