Aposel 13:40-43

⁴⁰Noyabiŋ am ek abô takatu ba plopet bôk enaŋ miŋ injik anôŋ imiŋ môlô ami. Thêlô bôk enaŋ aêntêk,

⁴¹“‘Môlô ŋê obi Wapômbêŋ liliŋ, nodaŋô katô! Tem yandum nômla bêŋ te imbitak ênjêk môlô malêvôŋ. Ba anyôla hanaŋ nôm atu ba tem imbitak bêŋ hadêŋ môlô, ma tem miŋ nônêmimbiŋ ami. Ba intu tem indum môlô nosoŋ kambom lôk yambuliŋ môlô ba noma.’”

⁴²Pol hanaŋ abô yôv ma thai lôk Banabas idum ek nede yaiŋ ma avômalô enaŋ nena, “Sabat yaŋ endake ma mamu nonaŋ abô esak nôm takêntêk esak loŋbô.”

⁴³Sa anêŋ daŋ ma avômalô Islael lôk ŋê loŋ buyaŋ takatu ba ibitak êyô Islael iniŋ êvhaviŋ kapô esopa Pol lo Banabas. Thai enaŋ abô doho haviŋ hadêŋ thêlô ek injik thêlôniŋ auk liŋ ek nesopa Wapômbêŋ anêŋ lahaviŋ ba nimiŋ lôklokwaŋ ek anêŋ wapôm embatho thêlô loŋ.